Тархи судлалын шинжлэх ухааныг хөгжүүлснээр технологийн эрс хувьсгал гарч ухаалаг технологи, роботууд бүтээгдэх, хүн хэрхэн урт наслах, оюун ухааны бүтээмжийг сайжруулах, сэтгэц ба мэдрэлийн эмгэгийг эмчлэх, сансарт хүн нисгэх, биологийн аюулгүй байдлыг хангах, салбар дундын шинжлэх ухааны платформууд үүсэж, бидний өдөр тутмын амьдралыг эрс хувьсан өөрчилж байна. АШУҮИС-н Тархи судлалын хүрээлэн нь орчин үеийн шинжлэх ухааны салбарыг хөгжүүлэх, дэвшилтэд технологийг нэвтрүүлэх, салбар дундын судалгааны платформ үүсгэх, суурь судалгаа болон эмнэл зүйн туршилт судалгаа хийх , эмнэл зүйн үзлэг, оношлогоо, эмчилгээ хийх болон гадаад, дотоодын судалгааны төвүүдтэй хамтын ажиллагаа хөгжүүлэх зорилготой. Тархи судлалын хүрээлэн нь үндсэн гурван чиглэлээр үйл ажиллагаа явуулдаг.